రాముల వారి పట్టాభిషేక పాట

శ్యామ సుందర రామ స్వామీ వామాంకమున హేమాసుందరీ సీతా భామ ఉన్నదీ అదిగో || శ్యామ||

1. ప్రేమచే హనుమంతుడగగ, రామచంద్రుని పదము పట్టగ 

సౌమిత్రియున్ ,భరతుడున్ ,విరుగడల వింజామరలు వీయగా 

|| శ్యామ||

2. హరి వెనుక శత్రఘ్నుడతిపత్రములు పట్ట, 

శరాణార్ధులై విభీషణ సుగ్రీవులు కొలువా, 

పరమభక్తుడు అంగదుడు, గజ గవాక్షుండు మొదలుగా 

వరుస సేనుండాది గాగల పరమేష్ఠింపుచుండగ 

||శ్యామ||

3. గిరిజా,శంభుడు, వాణీ పరమేష్టి సేవింప, 

సురులు ఆనందించి, కుసుమ వృష్టి గురియింపగ, 

భరద్వాజ, వశిష్ట, ముఖిభవ తీర్థ జలాభిషేకములు

కరుణతో సేయుమని నుతియింప కనకమణి సింహాసనంబున 

||శ్యామ||

4. ధణ ధణ ధ్వనీ నాధత్రయములు  మ్రోగగా

వీణాగానము ఆ నారదముని పాడగ, 

ధణ ధణాంకిట, కింకిణులతో, మేనకా, రంభలతో, 

ధాంతకిటకిటతోంతయాయని నటియింపుచుండగ 

||శ్యామ||

5. వారి వామాంకమున భూమిజనుతనుగూడి 

మెడనున్న ముత్యాల హారము తీసియా, 

వాయునందను చేర బిలిచియు నీవు చేసిన మేలు కొఱకై 

హారముని గైకొనమటంచును, ప్రేమచే యురమునను వేయగా

||శ్యామ||

6. ఖిండితారపుడా కోదండార్చిత పూజ్యుడై 

ఛండ ఖాండనమున, సరసీజాములు బట్ట, 

పుండరీకాక్షుండు, శ్రీ రాముండు కూర్చుండ 

వేముల కొండకోయని, బొడ్డు మల్లెలదండను మెడనిండ వేయగా 

||శ్యామ||

7. పచ్చనక్షింతలు పరమాత్ముడు చేబూని 

పడతీ సీతా శిరసుపై బోసిరి వేగ, 

అష్టదిక్పాలకుల భార్యలు, అరుంధతీ, అనసూయ మొదలుగ, 

వారందరును వజ్రాల హారతులిచ్చిరి వధువరులకప్పుడు ||శ్యామ||