ఈ పాటను చివరనుంచిన ఆడియో విని, నేర్చుకుని పాడుకోండికేశవ అని నిన్ను వాసిగ భక్తులు వర్ణించుచున్నారు మేలుకో
వాసవీ వందిత వసుదేవ నందన మేలుకో
నారాయణ నిన్ను నమ్మిన భక్తులను కరుణతో బ్రోతువు మేలుకో
శరణత్రాణ బిరుదు నీకున్నది, శశిధర సన్నుత మేలుకో
మాధవ అని నిన్ను యాదవులు అందరు మమత తో చెందేరు మేలుకో
చల్లని చూపుల తెల్లని నామము, నల్లని నా స్వామి మేలుకో
గోవింద అని నిన్ను గోపికాగొల్ల వారందురు మేలుకో
గోపి మనోహర గోవర్ధనోధ్ధార గోపాల బాలుడా మేలుకో
విష్ణు రూపము దాల్చిన విభవము వర్ణింప, విష్ణురుపుడ వేగ మేలుకో
దుష్ట సంహార దురితమ్ములెడబాపు సృష్టి సంరక్షక మేలుకో
మధుసూధన నీవు మగువతో కూడి మరచి నిదురించేవా, మేలుకో
ఉదయార్క బింబము ఉదయించు వేళాయె వనరుహలోచన మేలుకో
త్రివిక్రమ అని నీ చక్రశుక్రాదులందురు మేలుకో
శుక్రాది గ్రహములు సుందర రూపమ్ము చూడగోరినారు మేలుకో
వామన రూపమున భూదానమడిగిన పుండరీకాక్షుడా మేలుకో
వల్లి నీ పాదానా బంధన చేసిన నందనందన మేలుకో
శ్రీధర గోవింద రాధామనోహర, యాదవకుల తిలక మేలుకో
రాధా వధూమణి రాజిలకనంపినది పద చూదువుగాని మేలుకో
ఋషికేశ నిన్ను కొనియాడు ఋషులందరు వచ్చి కూర్చున్నారు మేలుకో
వచ్చిన వారికి వరమ్ములు ఇవ్వాలి వైకుంఠ వాసుడా మేలుకో
పద్మనాభ నీదు పత్నిభాగాదులు వచ్చి కూర్చున్నారు మేలుకో
వీరకారకమైన పావన నామము పాడుచూ వచ్చిరి మేలుకో
దామోదర నిన్ను దేవతలందరు దర్శింప వచ్చిరి మేలుకో
భుమి భారముమాన్పి బంధముల బ్రోవుమని వేచిరి భుకాంత రమణులు మేలుకో
సంకర్షణ నీవు శత్రువుల హరింప సమయమయి ఉన్నాది మేలుకో
పంకజాక్ష నీదు పావన నామము పాడుచు వచ్చిరి మేలుకో
వాసుదేవ నీకు భూసుర పత్నులు భుజింపదెచ్చిరి మేలుకో
భాసురమ్ముగ యాగ రక్షణ కొఱకు వేచియున్నారు మేలుకో
ప్రద్యుమ్న రూపుడ అర్జున వరదుడ దుర్జన సంహార మేలుకో
ఆబ్జ వంశమునందు ఉద్భవించిన కుబ్జను ఆదరించిన దేవా మేలుకో
అనిరుద్ధయని నిన్ను అబ్ధసంహరణ అనుసరింప వచ్చిరి మేలుకో
అండజ వాహన అబ్ధసంహరణ దర్భ శయన వేగమే మేలుకో
పురుషోత్తమ నీకు పుణ్య అంగనులందరు పూజలు చేతురు మేలుకో
పురుహూక పండిత , పురహర మితృడ , పూతన సంహారక మేలుకో
అధోక్షజ నిన్ను స్మరణ చేసిన హరి, దురితమ్ములెడబాయు మేలుకో
వరుసతోడ నిన్ను స్మరణ చేసినవారు వందన మొసగెదరు మేలుకో
నారసింహ నిన్ను నమ్మిన భక్తులను కరుణ బ్రోతువు, వేగ మేలుకో
శరణనన్న రక్షణిత్తు వని బిరుదు నీకున్నదే, శశిధర సన్నుత మేలుకో
అచ్యుత యని నిను నిత్యము కొనియాడె ప్రమథులు వచ్చిరి మేలుకో
పచ్చని చేలమ్ము అర్చగ దాల్చిన లక్ష్మీమనోహర మేలుకో
జనార్ధన నీవు శత్రువుల హరింప సమయమై ఉన్నది మేలుకో
పంకజాక్ష నీదు పావన నామము పాడుతూ వచ్చిరి మేలుకో
ఉపేంద్ర అని నిన్న ను యాదవులందురు యమునా తీరమున ఉన్నారు మేలుకో
గోపికా కాంతలు నీదు రాకను కోఱి వేచి ఉన్నారు మేలుకో
మురళి గాన లోల మేలుకో , ముకుంద మాధవ మేలుకో ,
రాధ మనోహర మేలుకో ,మేలుకో మేలుకో మేలుకో కృష్ణా
మేలుకో కృష్ణా, మేలుకో కృష్ణా...
ఈ పాటను విని, నేర్చుకుని పాడుకోండి